Wheel Barrow Push Blong Ol Mama Lo Shepherd Aeland Tis Coming Friday

wheelbarrow  source: www.Amazon.com
wheelbarrow
source: www.Amazon.com

Tongoa Sheperd Womens Association hemi stap okaenaesem wan Wheelbarow Push long Friday 08 May 2015 long Port Vila.

Aim blong Weelbarow Push ia hemi pat blong Public Rilif Apil blong Association I ko tuwods olketa pipol long Tongoa Sheperds we Saeklone Pam I bin kilim olketa.

Bambae I kat 7 wheelbarrow we I ripresentem 7 aelan blong Sherperds mo bambae oli stat long sam eria aotsaed long taon mo everiwan bae I kam mit long taon afta endem wokbaot ia long Marope Maket haos.

Mrs Alice Kalo, olsem President blong Association hemi stap askem espeseli ol man mo woman Tongoa Sherperds we oli wok mo liv long Vila blong givim sapot blong olketa.

Fesfala Rilif Apil we Association I bin mekem hemi long las manis, mo I bin luk ova 300 pipol oli bin kam blong givim sapot long saed kaekae mo mani.

‘’I bin kat Fondation Sebastien we I bin kivim wan amount blong 20 000vt ,I kat tu MP Willy Jimmy hemi bin kivim wan amount blong 20 000vt mo 15kg rice mo plante pipol blong Tongoa Sherperds mo sam nara pipol we oli no pat long Province blong mifala be olketa tu I kam soem sapot blong olketa, mo mi wandem talem bikfala thankiu I ko long olketa’’ Mrs Kalo I talem.

Wheelbarrow Push ia I stat long moning, mo Association I stap luk fowod long hem mo hope blong save gat gudfala respond I kam long ol man mo woman Tongoa Sherperds we oli stap wok mo liv long Vila.

Tongoa Sherperds Womens Association hemi jes setap nomo long las yia, mo hemi kat insaed samfala strong woman lida blong Tongoa Sherperds oli stap insaed long hem.

Association ia I bin form folem vision we Mrs Alice Kalo, wan foma tija, I bin kat 19 yia ia pass, mo naoia hemi stap luk sloslo fulfilmen blong drim blong hem ia.

Mrs Kalo hemi stap naoia olsem President blong Association.

Author

Witnol Benko

Leave a Reply

Your email address will not be published.

This site uses Akismet to reduce spam. Learn how your comment data is processed.