VFF Kongres I Pasem Niu Fomat blong NSL

Vanuatu Football Federation kongres long Luganville las wik emi pasem wan niufala format blong Nasonal Supa Lik blong akomodetem 2 spot blong i go insaed long ‘O-League’.

I no long taem nating Oceania Football Confederation i jenisim fomat blong ‘Oceania Champions League’ o O-Lik blong alaoem tu club i save ripresentem wan kantri insaed long Oceania blong mekem se i kat 2 gudfala jalenjing pul mo emia i mekem se VFF kongres i pasem niufala fomat ia we insaed bae Port Vila lik i ple from 1 spot mo nara 7 provinsol lik i ple from nara spot.

NSL-format-2_NSL Format - Option 2
Fomat blong NSL we VFF i presentem long kongres mo oli pasem.

Long las wik VFF administresen i presentem niufala fomat ia long kongres wetem 2 nara format mo kongres i bin pasem niufala wan ia nao.

Long niufala fomat ia PVFFA oli kolem ‘National Elite League’ mo ol clubs long premia oli ple long TVL Championship nomo blo faenem wina mo i nomo 4 top blong premia blong go insaed long NSL final.

Ol provins mo Luganville oli stat wetem ‘Club Member League’ we oli ple long ol eria lik mo krosem ol aelan long ol provins we oli kolem ‘Provincial Premiere League’ mo jampion blong premia lik ia oli go insaed long ol ‘MA Provincial Super League’ we emi wan round robin format blo finem ol best tim blong go inside long wan ‘Promotion Elite League’ we oli faet from wan nara spot.

Long en blong tufala faenal spot ia, bae tufala wina i jes ple long ‘National Super League’ blong faenem namba wan mo namba tu ples nomo be tufala club i stil go insaed long O-lik.

Ol jenis ia tu i lukim Malampa Revivors FC mo Amicale FC i winim ples finis long 2017 O-Lik from tufala i jampion blong 2015 NSL, mo emia i wan decision VFF i mekem blomg alaoem tufala winning club blong pripea wan yia blong go insaed long O-Lik.

Tufala winning tim blong nekis yia 2016 bae winim ples blong ple long O-Lik long 2018 mo kem plan ia i kontiniu olsem long ol narafala yia i go.

VFF congress Day 2 in TVL Day shirt. TVL is a major sponsor for Vanuatu football. Photo: LFA
VFF congress Day 2 in TVL Day shirt. TVL is a major sponsor for Vanuatu football. Photo: LFA

Bikfala sponsa blong Vanuatu futbol emi Telecom Vanuatu Limited mo niufala fomat blong NSL ia bae ‘TVL championship’ tunamen we ol MA stap ranem oltaem bae i kam stampa tunamen blong go insaed long O-Lik.

VFF emi se tingting bihain long ol jenis ia blong givim janis long ol narafala klab long ol MA i save kam antap from long pas fomat, plante taem ol klab long saut long Tafea provins oli kam ded nomo long Port Vila mo oli nokat janis blong kasem antap o fesem ol klab long not.

I gat ol narafala risen tu bihaen long long ol jenis ia mo spos yu luk long pikja antap bae yu save wokemaot ol gud saed blong niufala fomat ia.

Author

The Penguin

A blogger from Vanuatu with interest in sports, ict, agriculture, tourism, history and many other thingamajig.

2 comments

  1. mi wantem talem nomo se conres we vff ibin pasem lo santo lo last year oli talem se club we topem championship lo yumi lo port vila emi tirreck lo olik semak malampa rivaives..why yumi wantem kriatem top 4 baekeken ..yumi mekem ol foot ball club oli pua from tenement ia.. yumi stap mekem mani blo sam man nomo..lo uerope club we emi winim championship emi tirreck iko insaet lo champions lik..why yumi mekem olsem ..stopem top 4 ia..traem leko golden star fc iko blo jenisim storian emi champion nauia istap from wanem bae emi ko lo top 4 baekeken…..psawi

Leave a Reply

Your email address will not be published.