Shefa mo Malampa Tufala Futbol Jampion blo POO

‘Province of Origin’ we oli okanaesem long Port Vila mo Luganville long las manis i soem se Provins blong Shefa mo Malampa tufala i strong long saed blong futbol long Vanuatu.

Tufala seperet tunamen ia i no semak, mo long Port Vila, Vanuatu Futbol Federesen nao i okanaesem wetem sponsasip blong Port Vila Municipality we Shefa i faenal wetem Malampa mo Shefa i win long 0-0 mo karem wan mane blong 200,000 vatu.

shefa-v-malampa

Long nambatu POO long Luganville, Shefa i faenal wetem Malampa bakeken mo Malampa emi win long 2-1 mo karem wan mane blong 50,000 vatu.

Ol pleya we oli ple long POO emi oli lokol pleya blong yumi we oli stap ple long ol klab long Port Vila league, Luganville Futbol Lik (LFA), mo narafala Memba asosiesen blong Vanuatu futbol, mo plante oli kamaot long ‘Premiere’ divisen, fes mo nambatu mo tri divisen long Port Vila lik mo LFA, mo VFF Academy.

Shefa Province win Port Vila Province of Origin 2015. Photo: vanuafot
Shefa Province win Port Vila Province of Origin 2015. Photo: vanuafot

Shefa tim long Port Vila i karem plante ol pleya blong Erakor Golden Star FC, Shepherds United FC, Tupuji mo Ifira, mo oli kat ol top pleya olsem Michel Kaltack, Jean, Tony and Kaltfer Kaltack, Remy Kalsrap, Ernie Roberts mo Serge Daniel.

Malampa tim long Port Vila i yusum ol player blong United Malampa FC we emi wan niu klab long seken divisen mo sam yangfala we oli stap ple long VFF futbol academy long Teouma.

 

Shefa long Luganville i yusum ol pleya blong Shefa long LFA mo sam pleya blong Vaum mo Malampa Revivors FC olsem Botleng we emi wan las man blo Revivors mo wan popiula pleya blong Shepherds United FC lo Port Vila Lik Albert o plante man save hem olsem Alu, mo koj blong olgeta emia koj Rocky Neveservet we semtaem emi wan divelopmen ofisa blong futbol long LFA.

Malampa tim blong POO long Luganville i yusum plante pleya blong Malampa Revivors FC mo Vaum United olsem Dahlong Damelip mo smol brata blong hem Mangeh Dahmelip wetem help blong koj blong Malampa Revivors FC oli manej bong winim wan strong Shefa saed.

shefa

Faenal blong Luganville POO i bin tekem ples stret long dei we oli openem ‘Northern Regional Technical Centre’ insaed long Luganville Soccer City Stadium mo plante long ol memba asosiesen blong VFF stat long Torba kasem Tafea oli stap blong witnesem maj.

POO emi wan kompetisen we i kat bikfala ‘potential’ long saed blong futbol divelopmen mo VFF i luk se bae emi tekem ples blong ‘Independence Knockout’ we i stap happen long Port Vila mo Luganville lik long everi 30 julae, mo VFF kongres i jenisim sam fomat blong kompetisen we bae mekem futbol bae emi interesting long nekis sisen blong 2016/17.

Author

The Penguin

A blogger from Vanuatu with interest in sports, ict, agriculture, tourism, history and many other thingamajig.

Leave a Reply

Your email address will not be published.