KILMAN wetem KALSAKAU fesem konspireci jajes

Two prominent proposed kandidet long snap eleksen, Sato Kilman mo Alatoi Ishmael Kalsakau, i stap fesem kot naoia long charge blong alleged “conspiracy to breach contract”, “conspiracy to injure by unlawful means” mo “inducing breach of contract”.

Claimant long kes hemi Vanuatu Registry Services Ltd (VRS) we hemi bin saenem wan 10-yia kontrakt wetem Gavman blong ranem Capital Investment Immigration Program (CIIP) long Novemba 2012.

Sipos VRS i winim kes, bae hemi save kleim fulap millions blong vatu agensem Gavman – eni mane we Gavman i pemaot bae i mas kamaot long public funds we hemi mane blong yumitu.

Narafala defendent long kes hemi PRG Consulting long Hong Kong, kampani we Gavman i bin givim wan defren kontrakt long hem blong ranem wan defren program blong salem paspot, “Real Estate Option”.

Sam narafala interesting infomesen related long isiu ia hemi lo taem Moana Carcasses hemi PM, hemi i bin push strong blong Gavman i mas adoptem “Real Estate Option” program.  Be mifala ol coalition partners insaed long Gavman long taem ia i no bin wantem.  Taem Moana i traem blong tablem wan amendment blong Land Leases Act long Palamen long May 2014 blong fasilitetem Real Estate Option – we mi olsem Minista blong Lands mi no bin agri long hem – hemi olsem “last straw” we i mekem se VP/GJP/MPP bloc i bin aotem Moana olsem PM long sem palamen sesen ia nomo mo putum Joe Natuman olsem PM.

Ol sos oli talem se person we hemi “mastermind” o i kamap wetem tingting blong “Real Estate Option” – we hemi blong alaoem ol forena blong karem Vanuatu paspot bes long wan level blong investment long real estate long Vanuatu – hemi Australian loya Robert Herd.  Robert Herd hemi man we Natuman Gavman i dipotem hem long Vanuatu from we hemi bin pem wan charter flaet long Unity Airlines i go long Aneityum blong karem foma MP John Tesei i kam long Vila blong saenem mosen blong nogat trast agensem Natuman – Tesei i araev long Vila afta i go long Coconut Palms blong risivim mane long Tony Nari mo saenem mosen – hemia wan risen why Tony Nari i bin risivim ekstra yia long kalabus bitim ol narafala 12 fren blong hem, from hem tu i bin givimaot mane (i no risivim nomo).

Less than 2 wik afta we Sato i kam Praem Minista, Gavman i alaoem Robert Herd blong kambak long Vanuatu, mo long 2 Septemba 2015, Sato i saenem “Real Estate Option” i kam loa blong Vanuatu.

Bifo sam MP blo Vanuatu oli go insaed long kalabus, kolosap evriwan blong ol foma MP we oli stap long kalabus naoia i bin travel tugeta wetem caretaker Minista Hosea Nevu i go long Hong Kong – alegesen hemi se oli go long Hong Kong blong karem mane long PRG Consulting.

Long manis Oktoba 2015, Sato Gavman i apoentem wan mein man blong Iauko Group, Daniel Faivre, i kam niufala Honorary Consul blong Vanuatu long Hong Kong.

Long stat blong manis Disemba we yumi stap long hem naoia, tufala caretaker Minista Hosea Nevu mo Havo Moli i bin travel long Hong Kong bakagen – i gat alegesen se oli go karem mane blong snap eleksen ia long PRG Consulting.

Author

Yumi Toktok Stret

Yumi Toktok Stret reporter. based in Vanuatu, Fiji, Solomon Islands, PNG, Australia, New Zealand, USA, England, South America, Middle East.

Profile used by various journalist around the region.

Leave a Reply

Your email address will not be published.