Saentis blong NZ bae i help long stadi blong volkenu

Taem 11,000 Ni-Vanuatu oli stap muv aot long ol haus blong olgeta long Ambae, Niu Silan Kiwi Brad Scott i stap kam blong lukluk gud volkenu ia we stap ronemaot olgeta.

‘Volcanologist’ ia hemi wok long GNS risej senta blong kraon mo ‘geoscience and isotope’ long Waikato mo bae lego kantri blong hem long NZ tede blong kam wok wetem olgeta long ‘GeoHazards’ krup blong Vanuatu.

GNS Science volcanologist Brad Scott i stap mekem sam stadi long Mt Ruapehu’s crater lake emia long Niu Silan

Scott i talem se long Vanuatu i kat plante aktif volkenu mo sam oli stap bosta mo sam oli slip nomo stap be sek nomo oli kirap bakeken mo bosta.

“Ambae i kam bak laef long 2005-06, mo growem wan volkanik kon mekem wan hil insaed long lake mekem se long taem ia sam pipol oli bin muvum olgeta i go long narafala vilej long aelan mo long taem ia, GNS nao i kam blong helpe mo mekem ol asesmen tru long wan akrimen wetem ministri blong foren afeas mo tred,” Scott i talem.

“Naoia ia volcano ia i stap bosta bakekem mo mekem wan hil i gro bakeken insaed long wota blong Manaro”

Source: CNN

Hemi talem se ‘Pacific Rim of Fire’ hemi aktif nomo i stap, mo ol aktiviti blong volkenu olsem i save mekem ol etkwek mo tsunami.

“Bae i mas kat 5 kasem 10 volkenu we oli aktif wantaem mo bae narafala 5 bae i soem saen blong wekap.”

“Volkenu blong Bali i stap kirap bakeken, mo hemi bin slip blong 50 yia mo naoia i stap mekem nois bakeken mo plante man oli stat blong evakuetem olgeta.

CNN i ripotem se 134,000 man we oli stap long aelan blong Bali oli stap muvum aot olgeta finis blong go long ol ples we i sef gud.

Other related

Author

admin