Police awareness long Application blong Permit

Polis hemi kamaot bakeken blo advisem yumi long samfala fasin we yumi bin stap practisim be hemi againsem law blong country.

Polis hemi stap noticem se plante long ol organisations oli no stap follem gud public order Act we hemi tokabaot application blong wan permit.

Application blong wan permit hemi from ol different activities we I stap tekem ples inside long municipality area , olsem parade through long town , escort blong wan marred through long town, noise afta 9pm long municipal area mo ol narafala happenings inside long Municipal area.

Follem Public Order Act, application blong wan permit hemi 7 days be I no wan day.

Polis hemi stap experiencem se plante time, I gat plante organisation we oli stap apply from permit 1 day before event hemi tekem ples we againsem public order Act.

Process blong Apply from wan permit hemi tekem 7 days, from application hemi mas pass through long police blong oli mekem screening then hemi mas kasem minister blong Internal Affairs blong approvem application ia .

Polis I wantem mekem save nomo se I start today 5th September 2017, bae polis hemi nomo toleratem kind fasin olsem blong I happen bakeken. Taem yu wantem mekem application blong permit, yu mas mekem 7 days bifo event hemi happen

Author

Yumi Toktok Stret

Yumi Toktok Stret reporter. based in Vanuatu, Fiji, Solomon Islands, PNG, Australia, New Zealand, USA, England, South America, Middle East.

Profile used by various journalist around the region.