Ol Student Blong Ol University Long Rijen I Tinkabaot Vanuatu

—Vourie Moli I raet

Vanuatu student asspciation gathering relief supplies for vanuatu
Vanuatu student association gathering relief supplies for vanuatu

Ino yumi nomo ol man Vanuatu, NGOs mo ol dona patna I stap kat konsen ova long pipol we Hariken Pam I bin kasem olgeta. Ol student blong ol Universities raon long Pasifik rijen oli soem tu se oli kat hat long ol pipol blong Vanuatu.
Long wik ia I lukim Solomon Islands Students Asosiesen long USP Laucala Campus long Suva, Fiji I bin handem ova wan cash blong 3208.25 Fijian Dollar we hemi semak long moa long 168,000 Vanuatu Vatu. President blong Vanuatu Student Association long Laucala, Henry Couppa Bill, I konfemem long YTS se donesen ia hemi kasem olgeta long wik ia blong ko tugeta wetem ol fund we olgeta tu I reisemap blong sendem I kambak long Vanuatu.
Hemi talem se naoia we I stap I lukim, ol Rilif Komiti I stap lukluk long hao mo wetaem nao bambae oli shipim ol katon mo mane I kam long kantri.

“PNG we hemi no wan memba kantri blong ol USP raon long rijen, be yet yumi laki tumas blong kat sam brata mo sista we oli stap stadi long Laucala olsem ol praevet student oli save kat hat blong kam in mo help. Long wik ia oli donetem ol basket blong ol klos mo kivim wan cash blong 250 Fijian Dollar we hemi semak long moa long 13,000 Vatu,” President Bill I talem.

PNG student reff giving out relief supplies plus cash to vanuatu student association president Henry Bill couppa
PNG student reff giving out relief supplies plus cash to vanuatu student association president Henry Bill couppa

Hemi stap talem bigfala tankio blong hem long olgeta brata mo sista wantok blong yumi.
Long narasaed, folem ol damej we hariken Pam I kivim long ol pipol blong Vanuatu, University blong Niu Caledonia (UNC), I deklarem se bambae stat naoia I ko bambae ol perens blong ol pikinini we oli stap skul long Lycee LAB, speseli nao ol yia 14, bambae oli nomo pem skul fi blong ol pikinini long ful yia ia kasem taem we evrisamting hemi kambak nomol bakagen.

 

Author

Witnol Benko

1 comment

Leave a Reply

Your email address will not be published.