Ol kandidet blong 2016 eleksen oli yusum sosiol media

fenua-riki

Louis

Long 2016 Election i kat plante kandidet oli yusum sosiol media blong mekem ol kampen blong olgeta. Oli mekem ol banner, Facebook mo twitter blong pasem infomesen blong ol polisi mo tingting blong olgeta long pipol we i kat akses long intanet mo emia i soem se yus mo save blong teknoloji i stap kam antap.

Mifala i faenem ol pej olsem Leaders Party of Vanuatu mo plante narawan we oli kat ol fesbuk pej finis olsem Graon mo Jastis pati, sam we oli wokem long taem finis be oli nomo yusum mo plante nao oli putum ol logo blong olgeta olsem fasin blong mekem wan pej blong kampen.

Emia sam long olgeta kandidet ia we oli postem ol foto mo polisi blong olgeta long fesbuk.

Ol sapota blong Nagriamel oli postem ol posta olsem long fesbuk blong olgeta.

Ol narafala infomesen we yumi save faenem long fesbuk long ol pej mo krup blong Yumi Toktok Stret emia ol foto blong kampen, ol posta mo polisi mo ol narafala bana wetem ol difren infomesen blong serem long ol vota we bae oli go insaed long smol rum long 22 Januare 2016.

Yus blong teknoloji i mekem laef i isi blong pipol i no nid blong go lisen long kapen o wokbaot mo tu emi helpem ol pipol we oli stap long ol smol aelan mo solwota i blokem olgeta olsem Fenua Rima Young Roots Destiny Association long Shepherd outer island oli mekem.

Author

The Penguin

A blogger from Vanuatu with interest in sports, ict, agriculture, tourism, history and many other thingamajig.

Leave a Reply

Your email address will not be published.