O-Lik Dro i Putum Amicale mo Auckland City Long Semak Pul Bakeken

2016 Oceania Champions League dro long Sande night i putum ‘Amicale FC’ long semak pool wetem ‘Auckland City’, Solomon Islands jampion mo seken tim blong Papua Niu Kini we hemi Lae City Dwellers long semak pul.

Koj blong Auckland City, Ramon Tribulietx i talem se, “Bae mifala i play Amicale bakeken olsem mifala stap ple wetem olgeta plante taem finis long ol pas yia. Hemi semak krup nomo olsem las yia we ol strong tim blong melanesia wetem Western United mo Suva”.

Long pul blong Amicale i gat Auckland City, jampion blong Solomon Islands we oli no faenem yet mo nambatu tu tim blong PNG we hemi Lae City Dwellers, be naoia Wellington i stap long pul b wetem jampion blong Fiji mo Hekari United, afta Nadi FC i stap long pul c wetem AS Tefana.

Plante long ol tim blong Oceania oli no save ple blong Lae City yet mo emia bae wan interesting taem long fored blong ol klab we oli drowem olgeta blong mekem ol skaoting mo ‘analysis’ blong olgeta long ol ‘strength’ mo stael blong tim mo ol pleya. ofc-draws-final

Long stream live video we OFC i mekem long Sunday night, oli bin intavium captain blong Auckland City, wan pleya blong Team Wellingtong, koj blong Auckland City mo Solomon Islander we i stap ple long Auckland City Micah Lea’alafa, mo yu save faenem ol toktok blong olgeta long video we i stap antap.

OFC hemi konfem ol dro olsem:

Pool A- 1. Auckland City FC (NZL) , 2. Amicale FC (Vanuatu), 3. Solomon Islands Champion, 4. Lae City D FC (PNG). Pool B- 1. Team Wellington FC (NZL), 2. Hekari United (PNG), 3. Suva FC (Fiji), 4. AS Lossi FC (NCL). Pool C- 1. Nadi FC (Fiji), 2. AS Majenta FC (NCL), 3. AS Tefana (Tahiti), 4. Preliminary Winner

Author

The Penguin

A blogger from Vanuatu with interest in sports, ict, agriculture, tourism, history and many other thingamajig.

1 comment

Leave a Reply

Your email address will not be published.