Namba tri Lapita Festival lo 5th December kasem 14th December 2017 lo Korman. 

Namba tri Lapita Festival this year ba hemi hapen lo sem taem wetem Mini-games stat lo 5th December kasem 14th December 2017 lo Korman.

Storian blo Lapita hemi kavremap Pacific from evidens blo ol man ya yumi faenem stat lo PNG hemi kam kasem yumi lo Vanuatu mo go kasem Polynesia.

Ba lo taem ya tu e gat ‘slow food’ exhibition we ba hemi stap olsem pat blo Lapita festival we ba yumi soem ol difren kaen kakae we yumi gat lo Vanuatu.

Ba e gat tu ol difren cultural activity we hemi inkludum ol kastom danis, demonstration lo ol kastom fasin blo mekem ol samting olsem basket, mat, carving, ol jen/nekles, magic show, mo sam lo ol kastom kakae blo yumi, mo plante mo.

Lapita festival Comiti hemi stap askem sapos you we you intres blo tek pat lo Lapita Festival lo yia ya blo kam antap lo Kaljoral Senta mo givim name blo you mo wanem we you wantem mekem.

Hemi wan janis blo yumi blo promotem ol difren kaen samting/kastom we yumi gat lo ol nara kaontri lo rijen.

Blo save mo information about event ya, kam lo Vanuatu Kaljoral Senta mo askem.

Author

Yumi Toktok Stret

Yumi Toktok Stret reporter. based in Vanuatu, Fiji, Solomon Islands, PNG, Australia, New Zealand, USA, England, South America, Middle East.

Profile used by various journalist around the region.