Niufala Komiti I Setap Blong Helpem Marou Vilij

Claudia Shem I Raet,11196226_429100380584785_3669034928514462518_n

Wan Disasta Komity, Vila Marou Disasta Komity I bin fom tuwods en blong las manis Maj, long Port Vila, wetem tingting ia blong helpem, ol famle we oli bin affected long Saeklon Pam, long smol vilij blong Marou, hemia long aelan blong Emau.

Komity I kat insaed, sam yangfala blong Marou vilij we oli liv mo wok long Vila we oli bin askem Komunity blong Marou we oli wok mo liv long Vila blong help long smol kaekae mo ol narafala samting.

20150328_104305

Long olketa kontribusen ia I kat rice, flaoa, suga, noodles, biskit mo ol klos.

Long taem we oli bin stap mekem presentation blong olgeta kontribusen ia I ko long pipol blong Marou, wan memba blong Disasta Komity ia, Simeon Jeffery, I talem se wanem we I bin pusum olgeta blong kamap wetem tingting blong help olsem, hemi from bikfala karej ia we ol yangfala boe blong vilij oli bin gat blong muvumaot ol olfala man, woman, ol disable, mo ol pikinini I ko antap long sefples, hemia long Mangarongo Skul.

“Marou hemi wan smol vilij, we solwota I raonem, Nemarou Lagoon long wan saed mo Ntanslopa o bigfala solwota long nara saed.” Hemi olsem se yu stap insaed long wan ship, solwota I kam long saed ia mo saed ia,’’ Jacob Kaloman, wan papa I talem. “Hemi fastaem blong mi blong luk kaen samting olsem.’’

Long toktok blong hem Jif Fanny Noupat Makali, olsem jif blong Marou vilij, hemi talem bigfala tankiu long bihaf blong komunity I ko long disasta komity ia, mo preisem bikwan wok blong olgeta.

Long Satede 25 April 2015, Komity I bin kobak wetem 25 tapolen we NDMO I givimaot, blong Komunity blong Marou mo distributum long klosap everi haosold long vilij ia we Saeklon Pam I bin spolem. I kat tu wan 10 000 Lita wota tank blong komunity ia we NDMO I kivim tru long help blong Komity we I mekem se tank I save kasem Emau.

going to distribute second stage cyclone relief
going to distribute second stage cyclone relief

 

Jeaman blong vilij, Mr Kaltau Sepa, I talemaot gladhat blong hem, mo talem se help ia I putum bak smael long fes blong ol pipol insaed long Komunity ia, mo preisem unity we komity I mekem mo unity we oli kat blong save wok tugeta mo mekem hemia I happen.

Bambae I I kat narafala visit bakagen we bambae Disasta Komity I mekem I ko long Marou, samtaem long manis Mei, mo hemia bambae oli ko blong help ribildim bak ol haos we saeklone Pam I bin spolem.

Author

Witnol Benko

Leave a Reply

Your email address will not be published.