Ndh I Kasem Ol Keis Blong Sitsit Wora Afta Long Hariken Pam

Northern District Hospital : Photo. http://rupnannie3.blogspot.com/
Northern District Hospital : Photo. http://rupnannie3.blogspot.com/

Vourie Moli I Raet

Tu wik hemi bin pass finis long sam aelan blong yumi afta we bigfala hariken ia Pam, I bin kasem yumi. Long sam aelan fulap man I stap fesem had taem mo sam long ol pipol blong yumi oli stat blong kasem ol rilif saplae. Long aelan blong santo, I nokat tumas damej long hem, be naoia we I stap I lukim se fulap man oli kasem strong Diarrhoea o sitsit wora from toti wota we oli stap konsiumim, akoding long wan klos sos we I wok insaed long Noten Distrik Hospital.
Sos ia I konfemem long YTS Nius se stat long las wik wan bigfala namba blong ol man we oli kasem sitsit wora oli bin pass long hospital from tritmen mo namba i stap ko antap evridei. Hemi talem se sos blong wota hemi toti mo ol residents blong Luganville I mas boilem wota bifo oli save drink, kukum wetem kakae o even bifo oli swim blong daonem sik ia.
Hemi kohed blong talem se aot se long evri sikman we oli stap ko blong jekap, moa long 10% oli kasem sitsit wora mo namba ia hemi bigwan tumas komperem wetem ol data blong olgeta we oli bin rekodem long las yia.
i kat wan moa keis i stap naoia we i lukim se wan bigfala namba blong ol resident blong Luganville oli kasem boila.

 

Author

Witnol Benko

Leave a Reply

Your email address will not be published.