Minista Don Ken I Klinim Ofis blong Infrastrakja mo Pablik Yutiliti

Trending long sosial media long wik ia, niufala minista blong infrastrakja mo pablik yutiliti, honorabol Don Ken, i saspentem long wik ia sam bikman blong Ministri mo dipatmen blong hem from hemi no glad long fasin we oli mekem ol wok long ol provins. Honorabol Don Ken i go insaed i no long taem blong tekem potfolio ia afta we foma minista Tony Nari i go long kalabus from braeberi.

Pablik Wok Mekanikel woksop long nambatu eria. Photo: Alexander & Lloyd Group www.alexanderandlloyd.com.au
Pablik Wok Mekanikel woksop long nambatu eria. Photo: Alexander & Lloyd Group www.alexanderandlloyd.com.au

Daily Post niuspepa i ripotem tu tede se Minista i tok strong akensem sam desisen we i lukim tu (2) ‘steel bridges’ we i sapos blong jenisim ol ‘wooden bridges’ long Santo oli bin karemaot mo yusum long ‘Luganville wharf project’ mo minista i klem se emia i wan rong desisen we oli bin mekem long kapitol, mo ol brij ia oli ‘worth’ VT 260 million.

Long wik ia tu, Minista i plan blong meet wetem Airports Vanuatu Limited (AVL) staff blong stretem problem blong olgeta we i wan long taem isiu we i bin kamap be kavman i no bin lukluk long hem yet.

Nara nius lo sekta blo transpot se, Australia bae i givim VT 80 million ‘worth’ masin blong mekem rod long ol provins we oli kat sot blo mekem gud rod from i nogat masin o sam i nogud mekem se kondisen blong rod oli kam moa nogud. Ol aelan blong putum ol masin ia long hem i kat Ambae, Tanna, Malekula mo Pentecost mo bae i helpem bikwan ol pipol mo seves long aelan ia.

Author

Yumi Toktok Stret

Yumi Toktok Stret reporter. based in Vanuatu, Fiji, Solomon Islands, PNG, Australia, New Zealand, USA, England, South America, Middle East.

Profile used by various journalist around the region.

Leave a Reply

Your email address will not be published.

This site uses Akismet to reduce spam. Learn how your comment data is processed.