Meteo Dipatmen Impruvum Vanuatu Saeklon Traking Map

‘Vanuatu Meteorological Service’ depatmen blong kavman i rere finis blong jenisim saeklon traking map blong Vanuatu blong mekem i kam moa gud bitim blong fastaem.

Naoia oli stap mekem ol konsaltesen finis raon long Vanuatu blong karem tingting blong pipol long wanem oli mekem finis mo oli wantem pipol i givim tingting folem experiens blong olgeta taem we oli yusum traking map long taem blong ol saeklon.

Niufala saeklon traking map. Photo: meteo.gov.vu
Niufala saeklon traking map. Chart: meteo.gov.vu

William Worwor long Meteo dipatment o VMS i talem se niufala map i kat moa infomesen insaed we oli ting se bae helpem pipol long taem blong wan seaklon.

Olfala traking map blong fastaem i kat ol box nomo wetem ol frekuensi blong radio mo sam i kat ol kala blong alet long hem.

“Mifala i wantem putum ol nara infomesen olsem ol impoten kontak namba mo wanem kaen pawa blong win nao yumi stap tokbaot olsem sam pikja blong kliarem wanem kaen pawa blong win blong pipol i save andastandem wanem meteo dipatmen i stap tokbaot”, Worwor i talem.

Worwor i talem se map ia bae i redi long nekis wik olsem blong pablik i save karem.

Emi gud blong putumaot aot ol map ia kwik taem from yumi stap long saeklon sisen mo i kat fokas se bae Vanuatu i save kasem 2-3 saeklon long ol dei we i stap kam iet.

Author

The Penguin

A blogger from Vanuatu with interest in sports, ict, agriculture, tourism, history and many other thingamajig.

Leave a Reply

Your email address will not be published.

This site uses Akismet to reduce spam. Learn how your comment data is processed.