LEADER OF OPPOSITION: GOVERNMENT’S INTENTION NOT TO SIGN OFF PLACER PLUS

 

Pres rilis:

Office blong Opposition iwantem congratulatem Gavman from eyes blong hem ijes open blong luk save se Opposition istap singsingaut agensem ol negative aspects blong PACER Plus koko mekem se Gavman ijes luk save.

Opposition iwantem remindem Gavman se oltaem hemi stap singsingaut lo ol fasin no stret we Gavman istap mekem or wantem mekem be Gavman ino stap wantem save long ol singsingaut blong Opposition. But blong talem stret wok blong Opposition iblong stretem head blong Gavman taem ol disisen blong hem ino stret. Thank you blong luksave se PACER Plus signing bae ijes openem ol doa blong Australia mo New Zealand bae oli mekem Vanuatu ikam dumping graun blong olgeta. Evriting ikam insaet long kantri duty free mo Gavman ino save winim wan vatu ikam insaet long basket blong hem. Ol cheap goods bae oli mekem ol man Vanuatu oli irilae tumas long hem mo fogetem ol aelan kakae. Sick blong NCD bae ikam antap plante from access blong ol samting we ikam insaet long kantri bae ikam cheap. Be fasin ia bae ijes mekem ol man Vanuatu irilae mo depend moa long Australia mo New Zealand mo eventually bae yumi talem ‘Yes Masta’ long evriting oli givim long yumi.

Yumi mas klia long wan samting. Opposition ino agensem eni trade agreement wetem Australia mo New Zealand. Be eni agreement imas fair long tufala saed. PACER Plus ifavorem wan saed nomo – Australia mo New Zealand. Ino favorem Vanuatu. Oli wantem exportem ol products ikam insaet long kantri duty free be long narasaet oli putum ol strict rules mo regulation blong ol products blong yumi ino save ko insaet long market blong olgeta. Hamas yia nao yumi trae hard blo exportem ol local kakae blong yumi iko long olgeta, be still inokat break through.

Naoia yumi luk se Australia istat blong taetenem systems blong hem blong no lettem tumas man Vanuatu iko wok long Australia. Wan classic example hemi wei we Gavman iblokem ol man Vanuatu ino mo ko wok long Tasmania.

European Union igivim visa free entry long ol man Vanuatu be Australia mo New Zealand no yet. Afta oli wantem blong yumi saenem PACER Plus we oli stil lokem yumi blong kat access entry iko long ples blong olgeta. Olgeta blong oli kam long Vanuatu oli no nidim Visa. Be blong yumi ko long ples blong olgeta oli strict long yumi. Hemi gud tumas we Fiji mo Papua New Guinea oli refuse blong saenem PACER Plus, from ino benefitem olgeta. Naoia nao eyes blong yumi iopen blong luk save se yumi ol man Vanuatu yumi wan soverign mo independent State mo no mas lettem ol big brata blong yumi, Australia mo New Zealand oli wokbaut antap long yumi.

Ol advisers blong olgeta ia nao oli stap traem enfosem yumi blong jenisim tax system blong yumi mo yumi simply talem YES long Income Tax. Economic structure blong yumi ino save sapotem income tax mo Pacer plus, be still Gavman iwantem entertainem olgeta.

Inaf blong yumi bow down long ol nara kantri long region. Yumi mas be Masters blong destiny blong yumi wan, yumi mas be decision makers long own affairs blong yumi. Yumi no mas lettem Australia mo New Zealand, World Bank, IMF, OECD mo ol nara international bodies oli dictatem policy mo interfere wetem sovereignty blong blong yumi.

Opposition itekem taem ia blong talem thank you long Gavman blong luk save cry blong Opposition long saet blong PACER Plus. Naoia Opposition istap askem Gavman blong lukluk gud bakagen long ol gud saed mo bad saed blong Income Tax mo skelem gud bifo hemi committim yumi blong yumi yet yumi hangem nek blong yumi.

Author

Yumi Toktok Stret

Yumi Toktok Stret reporter. based in Vanuatu, Fiji, Solomon Islands, PNG, Australia, New Zealand, USA, England, South America, Middle East.

Profile used by various journalist around the region.