Laef Saving Indastri : Mama Market

MaMA 20vt
MaMA 20vt Photo credit: CDN

Mama blong salem “20vt” Lei Joe I stap winim klosap long tu taosan Vatu long wan dei mo i save winim klosap long ten taosan Vatu long wan wik. Sapos yumi kaontem ol totol ening long wan manis, i save kilim klosap long foti taosan Vatu.
Hemi wan fair earning blong ol mama taem oli winim wan taosen ko kasem tu taosen Vatu long wan dei. At least hemi save pem bred blong olgeta blong nekis dei, nomata we oli stap aim from wan amaon we hemi moa hae.

Wan Mama blong 20vt long eria blong Nambatu I talem se long wan dei, hemi save winim kasem 2000vt long ol kakae blong 20vt nomo, be hemi stap tingting blong winim samples long 2,000 Vatu iko kasem tri taosan Vatu blong save helpem hem i no blong pem bred blong olgeta nomo be blong pem ol skul fi blong ol pikinini tu.
Mama Lei Joe blong Tongoa Aelan we ikat toti yia i silip long Nambatu Lagun i talem se hemi stat blong mekem 20vt stat long 2010 long taem we ol staff blong Au Bon Marche oli bin askem hem blo mekem 20vt.

“Naoia hemi fo yia stret afta we mi stat blong mekem “20vt” long 2010. Mi kat tingting blong mekem “20vt” from nomo mi wantem helpem man blong mi we hemi stap karem salari blong hem afta long evri faev manis taem,” Mrs Joe i talem.
Hemi kohed blong talem se wetem mane wei hemi stap winim evridei hemi save pem ol ting blong haos mo semtaem tu kivim tri handred Vatu evridei blong bus fare blong boe blong hem we I stap skul long Tebakor Skul.
Lo Jifs Nakamal, John Tari Nakamal, mo Green lite Nakamal, wan mama hemi save mekem VT5,000 to VT10,000 lo wan nite. 20VT Indastri hemi kam wan laefline blo fulap family mo thru lo 20VT oli pem skul fee, electrcity, mo rent blo haos.

 

Author

Witnol Benko

Leave a Reply

Your email address will not be published.