Kilman i saspentem Superintendent Jackson Noal long Polis Fos

Jackson Noal
Akting Komanda Saut, Jackson Noal. Photo: Daily Post

Kea teka Praem Minista Meltek Sato Kilman Livtunvanu long wik ia i saspentem wan hae ranking ofisa blong polis fos we hemi akting komanda blong Saut Mr. Jackson Noal emia folem nomo sam alekesen blong sam polis fos memba we oli no akri long posisen blong bikfala bos blong olgeta akting komisina John Taleo we oli bin kwestinem polis sevis komisin from Taleo bin konviktet long kot from i brekem ol loa blong draev.

Nius i bin kamaot long sosiol media sam dei i pas we sam memba blong polis fos i kwestenim kes blong bikfala bos blong olgeta John Taleo we emi bin aksiden long trak long manis mei 2015 mo kot i bin konviktim em long tu kaon blong denjares draeving long tu difren aksiden wetem trak blong polis.

Car blo deputi Komisina
Trak blong depiuti komisina we i bin aksiden long manis Mei 2015

Sentensing blong kes ia bae kamaot long 25 Januare mo ol polis ofisa oli ting se i no stret blong emi stap olsem komisina mo oli askem long polis seveis komisin blong lukluk long kes ia from Taleo emi komitim ol ofens mo emi mas aot long ofis olsem we polis seveis ak emi talem, from emia emi long gud blong intres blong polis transparensi mo akaontabiliti.

Author

Yumi Toktok Stret

Yumi Toktok Stret reporter. based in Vanuatu, Fiji, Solomon Islands, PNG, Australia, New Zealand, USA, England, South America, Middle East.

Profile used by various journalist around the region.

Leave a Reply

Your email address will not be published.