Jotham, Matai, Jerry, Alickson mo Gracia long Independent i fomem wan bloc

Rumour blong sosiol media se 5 kandidet we i stanap indipenden mo olgeta pati we oli niu oli fomem wan bloc finis long wik ia long Santo, mo wan pikja long fesbuk i soem Jotham Napat blong Tanna konstituensi, Matai Seremiah long Luganville konstituensi mo Gracia Chadrack we i kamaot long Malekula mo Alickson Mera long Natatok long Ambae.

Everi kandidet ia oli bin stap long ol rispektif konstituensi blong olgeta long 22 Januare be jes afta unofficial risal i stat blong kamaot, Jothan Napat long lidas pati daon long Tanna i muv kwik taem i go long Not mo bifo foto ia i kamaot wetem stori se i kamaot long radio tu, toktok i go raon finis se sam politsien i stap long Santo be intensen i no bin klia.

Matai Seremiah we emi winim hat blong Luganville wetem Marc Ati long Iauko Group, unofficial i soem se hemi go tru wetem papa blong hem Ian Wilson long Maewo we emi wan narafala independent kandidet mo ejen blong ship blong hem long Port Vila we i stanap long Efate rural popiula man Jerry Kanas blong Siviri vilej.

ind-bloc2
Left to RIght: Jerry Kanas (Efate Rural), Alickson Mera (Ambae), Jotham Napat (Tanna), Gracia Chadrack (Malekula), Matai Seremiah (Luganville).

Bifo lik ia, YTS i bin spotem Jerry Kanas tu long Santo we i no stap long fesfala 4-man pikja ia be i bin kat wan nara foto bakeken we i kamaot long sosiol media we i soem Kanas mo ol narafala kandidet long wan krup foto.

chadrack

I kat ol sos insaed long sosiol media i talem se Gracia Chadrack emi wan klosap famili blong Don Ken we em tu i winim bak jea blong hem  insaed long Malekula konstituensi.

Naoia i no klia yet se wanem kolisen nao bae fomem nekis kavman mo plante toktok we i stap go raon, GJP Ralph Regenvanu i sakemaot ol toktok ia mo askem everiwan blong wet kasem ol ofisiol risal i kamaot.

vusilai
Gabriel Vusilai long Television Blong Vanuatu i talem se ofisel risal blong 2016 eleksen bae i kamaot long namba 1 Januare 2016 long 10 klok moning.

Author

The Penguin

A blogger from Vanuatu with interest in sports, ict, agriculture, tourism, history and many other thingamajig.

Leave a Reply

Your email address will not be published.