Israel emi Sendem ‘Humanitarian Aid’ long Vanuatu

Israel emi kontiniu blong sendem ‘humanitarian aid’ long Vanuatu mo las manis oli sendem ol spesel kaikai blong sapotem olgeta we saeklon Pam i bin kilim nogud olgeta.

Aid ia emi ol kaikai we i rij long ‘nutrients’ mo helti wetem ‘balance diet’, wan kampani oli kolem e’pap teknoloji nao oli wokem mo hemi olsem wan paoda ‘porridge’.

epap-porriage
Ol ‘pre-cooked porridge’ oli mekem long maize mo soya, wetem wan special miks blong ‘MICRO-Nutrients’, mo i kat long 4 ‘flavours – Original, Vanilla. Banana mo Strawberry’. Photo: www.epap.co.za

Kaikai ia emi olsem porij oli mekem aot long ‘maize’ mo ‘soya’ wetem wan spesel mix blong ‘MICRO-Nutrients, mo oli mekem blong fidim olgeta we oli hangre blong ded mo oli stap saplaem plante long ol ‘hunger strike’ kantri olsem Africa.

Representetif blong IsraAID emi givim ol kaikai long Vanuatu. Photo:MASHAV
Representetif blong IsraAID emi givim ol kaikai long Vanuatu. Photo:MASHAV

MASHAV we hemi ‘Israel’s Agency for International Development Cooperation in the Foreign Ministry’ nao bin givim long IsraAID we hemi ‘The Israel Forum for International Humanitarian Aid’, blong olgeta i distribiutim.

IsraAID i stap long Vanuatu long taem finis afta long saeklon Pam oli bin kam helpem Vanuatu mo emia i kontiniu long wok blong olgeta blong helpem ol aelan we oli sot long kaikai afta saeklon i kilim mo El Nino we stap afektem kantri naoia.

Author

The Penguin

A blogger from Vanuatu with interest in sports, ict, agriculture, tourism, history and many other thingamajig.

Leave a Reply

Your email address will not be published.