Iau Tuan Emi Niu Vaes Presiden Blong VFF

    Presiden blong Tafea Futbol Asosiesen, Iau Tuan Naukoot emi kam niufala vaes presiden blong Vanuatu Futbol Federesen afta long kongres i sitaon long Luganville las wik blong jusum hem.

    Iau hemi kat 49 year mo hemi bin ple long Tafea FC long Port Vila lik bifo olsem wan straeka, mo tu, emi bin ple long nasonal tim blong Vanuatu akensem Solomon long FIFA World Cup kwalifaea long Lae 1996 mo taem ia tufala kitkit long 1-1 we Iau nao i skorem poen blong Vanuatu.

    Ballot box
    Ballot box. Photo:vanuafoot

    Long niufala eksekiutif blong VFF i kat presiden Lambert Maltock emi kam presiden mo kolik blong hem long saut Iau Tuan i kam vaes blong hem, fes vaes presiden emi Roy Smith blo Torba, seken vaes presiden emi Sakias Boe long Luganville FA, tresara emi Stanley Jacob blong Sanma mo vaes blong hem emi David Bong mo ol memba emi Tane Maki blong Shefa mo Wille Leo blong Penama.

    Afta long eleksen ia, Iau i talem se emi no save bilivim se emi kam blong winim posisen ia from emia i wan positiv nius blong Tafea from bae helpem bikwan Tafea rijen long saed blong futbol divelopmen.

    Tafea i tekem bij soka i go long wan nara level. Photo: Vanuafoot
    Tafea i tekem bij soka i go long wan nara level taem ol ple bij soka long volkenu, mo nius ia i go raon long wol mo i kat plante intres long turisim. Photo: Vanuafoot

    Long sam wik i jes pas, Tafea Futbol Asosiesen emi mekem wan rikod long wol taem oli ple long bij soka long ol sanbij blong Volkenu mo i bin kasem ae blong fulap man mo ol spot mo turisim okanaesesen raon long wol, mo naoia niufala vaes i kat janis wetem niufala posisen blong hem blong promotem iven ia i kam bikwan blong helpem Tafea provins long spot mo turisim indastri.

    Iau emi mekem wan histri blong Tafea blong karem posisen ia we plante yia i pas nao Port Vila nao i stap karem posisen blong vaes presiden blong VFF mo long kongres long las wik.

    Port Vila emi bin absen long kongres mo risen blong hem i no klia yet be hop se representesen blong olgeta bae oli save stretem long nekis kongres.

Author

The Penguin

A blogger from Vanuatu with interest in sports, ict, agriculture, tourism, history and many other thingamajig.

Leave a Reply

Your email address will not be published.