Presiden askem Komuniti blo Tanna wetem Tongoa blo Stap kuaet

Presiden blong Vanuatu, Pasta Obed Moses Tallis i askem long ol jif mo pipol blong Tanna mo Tongoa long Port Vila blong stap kwait mo leko ol polis mo ol authoriti i stretem wan situation we arise, blong mekem se i kat wan pis mo seif environmen long kapital, Port Vila.

President Moses i talem long wan statement se hemi awea se i kat wan gathering blong olketa long Tanna long Blacksand cross rod ova long isu blong wan rikoding blong sam yangfala blong Tongoa we oli usum sam rabis lanwis agensem ol jif mo pipol blong Tanna.

Hemi talem se hemi understandem se Komisina blong Vanuatu Polis Fos mo ol senior ofisa blong polis i stap wok wetem tufala pati, we hemi ol jif blong Tanna mo Tongoa blong resolvem tensen mo presa we i stap long mata ia.

President Moses i kol long ol papa mo mama, mo ol jif mo ol jioj lida long ol komuniti blong tijim gud ol yang piknini long stret fasin blong liv long wan respekted society.

Hed blong Steit i mekem kol tu blong everiwan i mas respektem fulap development we kavman i stap mekem tru long sapot blong ol development patna, mo eni man made disasta i save afektem ol developmen ia mo ekonomi blong Vanuatu, mo Vanuatu i save safa long hem long plante moa yia we bae i kam.

Source: Gabriel Vusilae

Author

Yumi Toktok Stret

Yumi Toktok Stret reporter. based in Vanuatu, Fiji, Solomon Islands, PNG, Australia, New Zealand, USA, England, South America, Middle East.

Profile used by various journalist around the region.