Kavman mas lukluk blong fixim Airline sekta kwiktaem

I kat bikfala konsen se yumi mas fixim Bauerfield runway o Vanuatu bae i lusum bikfala namba blong ol turis we oli stap kam long Vanautu.

Emia emi hedlaen stori blong wik ia afta we Air New Zealand mo Qantas tufala i saspendem ol flaet we i kam insaed long kantri from kondisen blong aepot i nogud olsem we ol stori long media aotsaed oli putum.

Desisen we tufala airline ia i mekem emi putum sekta blong airline mo turisim blong Vanuatu long bikfala kwestin mak afta we wan nius i bin lik aot i no long taem wetem sefti blong Air Vanuatu finis.

Air Vanuatu i kat bikfala komplen we i stap kamaot long fasin blong ‘delay’ ol flaet blong hem, plante lokol mo ol expat mo turis i wokem komplen from ol schedule blong flaet i no stret oli wokem delay mekem plante man i harem nogud mo stap kwestinim Air Vanuatu from wanem?

air-van-delay-initial

I bin kat bikfala komplen long sosiol media krup ia Yumi Toktok Stret forum from fasin ia, mo plante memba i givim ol tingting olsem from wanem ol flaet i kontiniu blong delay. Sam memba oli ting se ol staff oli no competent inaf long wok, sam oli askem kavman blong lukluk long isiu ia kwik taem, sam oli givim ol nara tingting olsem moa trening, be everiwan i givm tingting wetem lukluk blong fixim ol isiu we i stap.

air-van-delay

air-van-government-issue

air-van-service-agreement

air-van-tanna-customer

air-van-wrong-ppl

Wan memba blong YTS i talem se ol domestik fare i saz tumas olsem blong go kasem Banks mo Torres i bikfala mane bitim fare we blong go long New Caledonia mo Fiji bakeken.

air-van-fare-to-banks

Naoia taem tufala bikfala airline i pulaot i minim bikfala samting mo i soem se wan samting i no stret long business ia we i nidim wan attention olsem Jenny Hayward blong Lowy Institute i talem se emi wan priority blong next kavman we i fom afta long 2016 election ia.

Nius blong Air New Zealand mo Qantas emi wan bikfala shock long nesen from bae emi afektem turism sekta bikwan.

Author

admin

Leave a Reply

Your email address will not be published.