FIFA President Infantino i Konkratuletem Ifira BB FC

FIFA presiden Gianni Infantino long wan leta long wik ia i traem blong leftemap morel blong ol niufala jampion blong Port Vila Futbol Asosiesen wetem wan konkratuletori mesej i go long futbol klab from taetol we oli winim long sisen ia.

Leta ia we oli adresem long presiden blong Vanuatu Football Federation oli tokbaot hatwok blong tim blong wok tugeta blong ajivim taetol ia blong Port Vila lik jampion.

Infantino i konkratuletem ol pleya, staff, koj mo teknikol tim blong Ifira blong spredem positif mesej blong futbol

Long wan sosiol media komen blong president blong VFF Lambert Maltock yestete afta we i risivim leta i talem se bae hemi sendem mesej ia i kasem presiden mo hemi konkratuletem klab tu long win blong olgeta.

“Mi wantem tekem janis ia tu blong wisim ol top fo klab blong Port Vila lik we oli stap ple naoia mo evri bes blong lak long nasonal supa lik kampen blong olgeta”, Lambert i talem.

“Mo tu mi wantem konkratuletem presiden mo ol eksekiutif memba blong port vila futbol asosiesen long wan gudfala wok long sisen ia mo bae papa God i blesem yufala”

Author

admin