Fareavaau I Talem Tok Tankiu Long Gavman Mo Ol Nara Dona Patna

Pele -Nguna chief during TC PAm assessment
Pele -Nguna chief during TC PAm assessment

Jif mo Fareavaau komuniti blong Nguna long Port Vila, I no step daon yet blong rebildim of hom mo livelihoods long aelan ia mo oli stap acknowledgem presence mo bigfala sapot blong Vanuatu gavman mo ol narafala NGO we oli help long one way or the other long disasta we TC Pam emi bin livim behaen.

“First of all mifala I wantem talem bigfala tankiu long Papa God we I save givim ol blessing long wanwan laef blong yumi. Komuniti i wandem extendem tok tankiu tu iko long ol kantri we olgeta tu oli respon blong helpem Vanuatu gavman tru long NDMO mo ol narafala help we i kam long Redcross, mo ol praevet sponsa olsem Sam & Jessica Bell mo ol narafala praevet sponsa we mi no mensenem,” spokesman blong Fareavaau komuniti, Tatamat Laban I talem.

Hemi talem se nomata we TC Pam I bin kilim nogud ol smolsmol aelan long Shepherds, naoia yu save lukim ol aelan oli stap kambak grin bakagen olsem bifo, ol mama mo papa oli save karem ol kakae long karen bakagen mo ol homes oli stap kambak nomol bakagen. Hemi talem se hemia I no save kam posibol sapos we ol nem ia we oli bin mensenem antap oli no kam in blong help, mo from hemia hemi stap talem tok tankiu I ko long olgeta.

Tu dei afta we Pam I bin kilim nogud Vanuatu, Jif blong ol pipol blong Nguna long Port Vila I bin sendem sam strong man blong visitim smol aelan ia blong jekem ol olfala, pikinini, ol homes mo garen. “Wanem we mifala I lukim mifala I no ekspektem. Ol pikinini mo mama oli krae. Afta we mifala I kambak, jif I apruvum se long Easter brek, bambae wan grup I ko blong rebildim ol homes mo planem bak ol kakae long garen.

Gud Fraede I lukim wan strong grup blong ol man oli visitim Nguna wetem ol kakae we komuniti blong Nguna long Vila I saksakem mane from, klos, mo nil blong wok wetem. “Long Sarere eli moning kasem aftanun mifala I ribildim ol haos, batrum mo toilet. Mifala I no wet blong help I kam afta wok I jus stat. Mfala I wantem se mifala I mas muv bifo help long gavman o ol narafala man I save kam,” Laban I kohed blong talem.

Komuniti blong Fareavaau i wandem talem toktok tankiu tu iko long olgeta blong Nguna we oli manej blong katem aot ol tri we i blokem main road wetem chainsaw blong olgeta blong, mekem se trak i save mekem nomol seves blong hem bakagen.

“Toktok tankiu tu iko long ol memba blong komuniti we oli stap long Vila we oli spendem time blong olgeta mo kam visitim mifala wetem ol kakai mo helpem mifala tu blong rebildim bak ol houses we oli bin partly damej by Pam, mo relocatem wan haos olsem evakuesen senta blong i redi sapos yumi fesem wan simila hariken long fiuja,” Laban I konklud blong talem

Author

Witnol Benko

Leave a Reply

Your email address will not be published.