Executif-longterm POWER

Google earth Picture
Google earth Picture

Lidaship insaed long Executif blong Gavman blong Vanuatu i kat bikfala nid blong lukluk bak long TRUST blong wan wan lida insaed long National Palemen.

Ripablik blong Vanuatu i rikodem 3 Lida nomo we oli serv longtaem olsem Praem Minista afta long Indipendes long 1980.

Longtaem Prime Minister hemi Late Honorobol Father Walter Lini we i bin serv olsem fes Praem Minista stat long 1980 kasem 1991.

Nambatu Lida we hemi serv longtaem hemi wan long ol Francophone Lida Hon. Maxime Carlot KORMAN we i bin serv olsem Prime Minister klosap long 5 yia start long nabawan disemba 1991 kasem 21 disemba 1995.

Nambatri Praem Minista blong kantri we i serv longtaem olsem Hed blong kantri hemi brata blong late Walter Lini we hemi Current Deputi Praem Minista, Ham Lini VANUAROROA we hemi serv olsem Praem Minista start long 11 disemba 2004 kasem 22 september 2008.

Apart long trifala lida ia, Late Hon. Walter Lini, Hon. Maxime Carlot Korman wetem Hon. Ham Lini, ol nara foma Prime Minister oli nomo serv longtaem olsem Head blong Exceutif blong Gavman.

Current Praem Minista, Joe NATUMAN hemi stap olsem namba 18 Praem Minista long namba 10th Palemen, since we kantri i kasem Indipendens blong hem.

Author

Witnol Benko

Leave a Reply

Your email address will not be published.