Australian Navy bae oli kam help long Ambae disasta

Australia i stap sendem wan ami wosip blong hem blong kam helpem Vanuatu blong muvum 11,000 man long Ambae aelan from Manaro Voui i stap mekem nois blong faerap.

Wosip ia oli singaotem se HMAS Choules i lego Australia yestete moning finis emia Saturday 30 Septemba 2017 mo bae kasem kantri long medel blong nekis wik, Australian government i talem long wan email.

Sip ia Choules i stap karem ol ekspet, ol saplae mo wan landing craft.

Australia hemi stap komitim A$250,000 ($196,000) tru long saplae mo i stap sendem wan tim blong ‘humanitarian’ mo ami ekspet we bae oli kasem Vanuatu nekis wik.

Websaet blong Australian ami i talem se wosip ia Choules i save karem 300 troops, wetem landing craft, ol tanks mo trucks, mo oli save yusum ol helikopta blong ol ami tu.

Long Ambae, ol sip wetem ol ferry, ol smol spid bot mo plen oli stat muvum ol man finis i go long ol aelan kolosap, mo long Vila mo Santo.

Ol sip we stap evakuet long Ambae

Other related

Author

admin