Andrew, Gillion mo Ham oli win o nokat?

Rumour blong sosiol media long wik ia se Gillion William long Efate rural i winim bak jea blong hem long Efate Rural, Andrew Napuat i winim Xavier Iauko long sam moa poen, mo Ham Lini Vanuaroroa i winim las seat blong Pentecost, i pulum plante intres mo toktok long sosiol media.

Plante pipol i kwestenem from wanem ol namba ia oli stap jenis mo i no semak long unofficial risal we ol poling stesen mo presiding ofisa oli bin givim, be fulap justification i soem se emi samfala human errors nomo we i save hapen mekem se media i pikimap mo ripotem ol namba olsem mo pipol i no sud tekem se emi ofisiel namba yet.

Gillion

Jack Tannearu Kalo i explainem mistek we i hapen long namba blong Efate rural we oli klem se Gillion i winim bak seat blong hem olsem.

“Nogat rat i kakai o raf o andanit tabol. Mistake blong HRO blong Shefa nomo. Taem i askem risal long Ulei, hemi no tekem long polling clerk o presiding officers, instead hemi ringm wan politician we oli rat mo puscat wetem GJP mo politisien ia i kivim “0” votes long Gillion. Long Shefa hedkwata bod, Ulei oli putum Gillion “0” votes. President blong province nao i spotem mistek ya long namba 47 mo oli jenisim long bod. Emia i gat nating wetem elektoral ofis, be emi jes jalusi blong politik nomo”, Tannearu i postem.

andrew-napuat-win-dp

Long Daily Post blong 27 Januare 2016, akting Sekreteri jenerol blong Tafea provins i talem se i bin kat wan mistek long kaonting long provins mo Andrew Napuat i kat 10 moa namba bitim Xavier Iauko long Iauko Group mo ofisiel risal nao bae i jes talemaot stret namba.

Long 27 Januare, Antony Kalia we emi wan administreta long provins long Tafea i postem semak toktok long YTS mo talem se Andrew emi win afta long wan mistek we oli mekem.

ham-lini

Wan nara nius we i posta long sosiol media emi Ham Lini Vanuaroroa i winim bak jea blong hem afta we ol unofficial risal afta long eleksen oli no soem se longfala taem seving MP ia i bin go tru bakeken long 2016.

Nius ia oli klem se i kamaot long Radio Vanuatu mo i kat ol justification olsem ol ballot box blo Pentecost oli no kaontem afta long eleksen from i nogat ol obseva blong pati long sam polling stesen mekem se oli sendem ol ballot box i go long Ambae mo olgeta long provins oli jes kaontem bakeken.

Wan sos long sosiol media i se kaonting long provins nao oli konfemem se Ham Lini i winim bak seat blong hem long Pentecost, be afta long eleksen nomo, ol niuspepa oli ripotem se Ham i lusum jea blong hem, mo ol narafala bikman olsem Morkin Steven Iatika long Tanna, George Andrew Wells mo Kalvau Moli long Luganville, Dunstan Hilton long Banks, David Tosul long Pentecost mo Daniel Nalet long Malekula, Robert Bohn mo Isaac Harmaliu long Epi, Alfred Carlot long Efate rural mo sam narafala moa.

vusilai

Kasem tede pipol i wet nomo long official risal we bae i kamaot long Monday long 10 klok olsem Gabriel Vusilai long Radio Vanuatu i talem long sosiol media.

Author

The Penguin

A blogger from Vanuatu with interest in sports, ict, agriculture, tourism, history and many other thingamajig.

Leave a Reply

Your email address will not be published.