The Tasiriki island were completely torn apart
The Tasiriki island were completely torn apart

Wan ripot wea World Bank mo “Jastis Blo Everiwan” emi putum out lo 2010, emi showem se already ikat kolosap 14,000 registered leases tru out Vanuatu. Ol leases ya oli kavaremap around 1,141 square kilometres blo kraon blo yumi lo Vanuatu. Out lo 13,815 leases wea emi regista lo kavman, 21.4% (or kolosap 3,000 leases) emi ol lease wea Minister blo Land nao emi holem lo behalf blo ol disputing parties wea oli stap raorao from kraon ya wea emi stap anda lo lease. However, history emi showem se plante lan ona tru out Vanuatu, and especially nao long Efate oli kam ol victim blong plante lo ol leases ya wea emi regista since independence lo 1980. Fasin blong usum or abusum ol law blong kantri ya long wan fasin wea emi depraevem ol landowners emi wan samting wea emi pin happen bifo independence kasem tedei mo
sapos kavman emi no tekem ol appropriate steps blong addressem issue ya, pai emi save continue iko long future. Wan nara man emi save rafem wan landowner from nomo problem blong education or wanem plante man oli loosely refer lo em olsem “Problem blo Edu”. Fulap taem, sam smart so-called investor mo sam real estate agents or ol middlemen oli tekem advantage lo ignorance mo desperation blo ol “cash-poor” landowners, especially during ol taem olsem Christmas, new year, easter or even independence celebration. Taem landowner emi no andestanem meaning blo ol land lease kondisens mo ol implications blong wan formal land lease akrimen, then landowner emi exposem hem wan long wan situation wea nara man emi save basically rafem hem easy nomo. Ikat plante cases long Vanuatu, especially
long Efate wea sam so-called investors mo ol real estate agents oli continue blong ‘rafem’ ol landowners since 30th July 1980. Plante well established real estate agents long Vanuatu oli continue blong tek advantage long ignorance blong ol landowners blong Vanuatu. Wan standard land lease akrimen emi kat save kat more than 30 individual kondisens wea landowner mo investor tufala mas akri long hem. Ol kondisens ya emi range from wanem amount blong Premium mo Land Rent wea investor emi mas pem, hamas yia blong lease landowner emi wantem kivim, right blo ko ronem wild buluk insaed long kraon, kondisen blong development mo sam nara wan bakeken iko kasem ol smol smol kondisen for example wan kondisen blong investor emi mas mekem sure se ol ‘noxious weeds’ olsem ol lantana ol nil krass etc ino mas kro long kraon wea investor emi lisim iko long lan ona. Ikat 4 kondisens wea ol landowners oli mas tekem olsem ol most important kondisen blong
lease. Ol kondisen ya emi : (1) Land Rent (2) Land Premium (3) Term blong Lease mo (4) Development Condition. Emia nao ol fundamental or most important kondisen wea lan ona emi mas negotiatem kud wetem investor blong ensure se lan ona emi save enjoyem long term benefit blong hem mo pikinini blong hem. Wan top priority blong landowner emi negotiate from fes of all above everi other condition emi kondisen blong valuation blong kraon. From unless landowner emi save or kat wan klia knowledge abaot valuation blong kraon blong hem, pai emi no save negotiatem wan benefit wea emi fair mo equitable. Taem wan investor emi realizem se landowner emi no save abaot true value blong kraon blong hem, taem ya nao investor emi save rafem yu

 

Author

Witnol Benko

Leave a Reply

Your email address will not be published.