Vanuatu, New caledonia mo Fiji boda triti

Vanuatu i setem finis taem mo ples blong i tokbaot ol boda triti blong hem wetem ol neba kantri inkludum New Caledonia mo Fiji.

Taem mo ples ia, hemi long nekis manis, Oktoba 2017 mo bae i tekem ples long Solomon Aelans olsem wan nutrol kantri taem Vanuatu i toktok long boda blong hem wetem New Caledonia.

Praem Minista Charlot Salwai Tabimasmas, i talem se Vanuatu i stanap strong long posison blong hem blong disbutum boda triti we Fiji mo New Caledonia i saenem.

Vanuatu i disputum boda triti blong tufala neba kantri from hemi Mathew & Hunter aelans i stap insaed be tufala i no toktok wetem Vanuatu abaot triti ia.

Hed blong gavman i tok strong agensem Franis teritoriol Gavman long New Caledonia from i no luksave Vanuatu taem hemi saenem boda triti wetem Fiji.

Author

Yumi Toktok Stret

Yumi Toktok Stret reporter. based in Vanuatu, Fiji, Solomon Islands, PNG, Australia, New Zealand, USA, England, South America, Middle East.

Profile used by various journalist around the region.