Sam pikja long Jif Nakamal

Tedei namba faev maj hemi dei blong ol jif raon long Vanuatu mo ol pikja ia i soem wan seremoni we i tekem ples long nakamal blong ol jif tede long moning long Port Vila.

Long foto yu save luk Praem minista blong Vanuatu Honorable Charlot Salwai Tabimasmas we hemi wan jif blong Pentecost, Jif Isaac Worwor long Port Vila kaonsel blong ol jif mo hemi blong Ambrym, Presiden blong Malvatumauri Jif Seni Mao Tirsupe, Jif Alicta Vuti blong Ambae, Jif Mark Bebe mo semtaem hemi DG blong Jastis, kalja mo sosiol welfea, Deputy praem minista Joe Natuman we hemi wan jif blong Tanna, Akting komisina blong polis John Taleo, mo sam narafala diknitari we i stap tede morning long nakamal blong ol jif.

Long ol dei olsem ol jif i kam tugeta blong toktok long pipol mo pipol i stap talem tenkiu long olgeta from otoriti we oli kat blong mekem se i kat pis mo yuniti i stap oltaem, oli mekem ol kastom seremoni, ol rekonsiliesen mo talem ol gudfala toktok blong mekem ol jif i kam moa strong, oli traem faenem ol ansa mo serem ol tingting wetem kavman.

Author

admin

Leave a Reply

Your email address will not be published.

This site uses Akismet to reduce spam. Learn how your comment data is processed.