PENAMA DAY – 16 SEPTEMBER 2017

Ol memba blong komuniti blong Penama Provins bae oli selebretem Provinsol Dei blong olketa long Sarere we i kam namba 16 Septemba, 2017.

Long Port Vila, Praem Minista Charlot Salwai Tabimasmas, bae i givim ofisol toktok folem ofisol prokram blong Penama Dei long Saralana Pak.

Aktiviti blong dei ia, bae i stat wetem wan pared we Vanuatu Mobael Fos bae i lidim stat long Indipendens Pak i ko long taon, maket, Asco Moto mo kasem Saralana pak ples we evri aktiviti blong dei ia bae i tekem ples long hem.

Ol nara aktiviti blong dei ia hemi inkludum wan dibet we topik blong hem oli kolem Respect, United mo Sustainable Panema.

Komiti blong selebreson ia, bae i provaedem pablik lanj mo, musik entatenmen mo ol kastom dans mo majik show.

Komiti blong selebreson i askem evri pipol blong Penama Provins we oli stap long Port Vila blong atendem Penama Dei stat long 8 oklok long moning kasem long safa.

Author

Yumi Toktok Stret

Yumi Toktok Stret reporter. based in Vanuatu, Fiji, Solomon Islands, PNG, Australia, New Zealand, USA, England, South America, Middle East.

Profile used by various journalist around the region.