Ol Dokta blo Katem Ae Oli Kasem Port Vila long Wik Ia

Olgeta dokta blong katem ae we oli wok wetem Fred Hollows Foundation oli kasem Port Vila long wik ia.

Olgeta dokta ia oli stap wok long Fiji mo oli kam long Vanuatu blong wok long sam kes blong ae mo oli stap kivim ol advaes tu long saed blong sik ia ‘diabetes’ we i stap spolem ae.

Long wan stetment we oli mekem lo twita, oli se “Bae mifala i wok long klosap 125 keis we stap rere finis long week ia.”

VBTC i bin mekem wan anaonsmen long las manis finis long rod blong olgeta blong kam mo oli bin askem ol pipol blo putum nem long Vila Central Hospital.

Author

admin