NSL Pool A bae kikof tede aftanun

Vanuatu Futbol Federesen Nasonal Supa Lik bae kikof tede aftanun long Soccer City Stadium emia long Luganville Santo.

Ol tim we oli laenap blong jalenj tede i kat Vanmolmol futbol klab blong Fanafo we hemi jampion blong Sanma futbol asosiesen bae fesem Tiwe FC blong West Ambrym we hemi nambatu jampion blong Malampa futbol asosiesen emia stret long wan klok, mo Malampa Revivors FC bae fesem Veoa FC we hemi namba tu jampion blong Sanma bakeken.

Tufala klab blong Torba futbol asosiesen we hemi Spirit 011 mo Halmet FC i no save mekem long taem blong tekpat long tournament ia from problem blong mane.

Day 1 Skediul

Day 1 Match 1 1pm: Vanmolmol FC v Tiwe FC
Refri: Arnold Tari

Day 1 Match 2 3pm: Malampa R v Veoa FC
Refri: Nawen Hopkins

Author

admin