Noten Rijen Futbol Akademi Bae Open Nekis Wik

‘Northern Region Football Academy’ we hemi wan ‘sub-centre’ blong VFF long noten rijen bae hemi open nekis wik long namba 1 disemba 2015 emia long ‘Luganville Soccer City Stadium’ long Santo.

.

//platform.twitter.com/widgets.jsBilding ia we FIFA i anaonsem long 2012 mo oli stat wokem long 2014 finis i jes finis mo bae emi makem wan histri blong futbol long ol provins long not mo semtaem from emi folem niufala ‘decentralization’ polisi we ‘Vanuatu Football Federation’ i stap karemaot long kantri tede blong mekem ol ‘elite programme’ blong ol memba asosiesen wetem ol lik blong olgeta i kam moa strong.

Glen Turner long OFC emi mekem wan visit long maj 2015 wetem Mainguy mo Kim long foto. Photo:LFA
Glen Turner long OFC emi mekem wan visit long maj 2015 wetem Mainguy mo Kim long foto. Photo:LFA

Emi wan yut divelopmen senta we ‘Mainguy Consulting Engineer and Project Management’ nao oli mekem disaen mo ‘supervise’ ol enjiniaring wok we Kim konstraksen i mekem. Akademi sab senta ia emi wan tingting blong divelopem yut futbol long noten rijen mo semtaem tu VFF i testem disentrelaesesen polisi blong hem blong divelopem futbol stat long ‘Grassroot’ i go antap we i emi wan niufala strakja we ‘Oceania Football Confederation’ nao i disaenem.

//platform.twitter.com/widgets.js

Niufala Strakja ia we i stat long ol krasrut festivol blong mekem aweanes mo givim intres blong futbol long ol pikinini blong eij blong 6-8 yia mo afta oli faenem ol gudfala pleya putum olgeta i go insaed long wan ‘Development Centre’ long eij blong 9-12 yia, mo oli aot i go long wan ‘Centre of Excellence’ long eij blong 13-14 yia mo spos oli mekem gud moa oli save kasem long Academy we i karem olgeta pikinini blong eij blong 15 kasem 16 yia.

Emi olsem wan ‘pathway’ mo fiuja blong wan futbol pleya mo i openem rod blong ‘career’ blong hem, mo sistem ia oli growem raon long Vanuatu mo bae mekem se futbol i kro mo save kam strong long everi aelan.

//platform.twitter.com/widgets.js

Wok i bin gohed finis blong putum ol DC mo COE long Fanafo, Port Olry mo Hog Harbour long eli long yia ia, mo emia emi stat blong niufala tingting ia mo VFF i stap luk fowod blong lukim sam jenis long futbol long nekis 5-10 yia long Vanuatu.

Niufala bilding ia i kat insaed 4 ofis blong futbol, wan konfrens mo edukesen senta, wan ‘lobby’ o ples blong sitaon antap long top blong haus blong wajem futbol mo i kat ‘satellite TV’ tu.

Insaed long ofis i kat ol niufala kompiuta, wetem ol letes teknoloji blong ofis mo ol sofwea blong administresen wetem tingting blong VFF i fokas long ‘digital’ o ICT saed blong administresen blong impruvum divelopmen blong futbol long kantri.

Northern Region Academy ICT & device plan
Northern Region Academy ICT & device plan

Bilding ia bae emi ofis blong LFA mo SFA, ol divelopmen ofisa blong futbol long not mo tu futbol blong ol woman, mo VFF i wantem se bae emi wan edukesen senta blong ‘sports’ mo ol narafala spot disiplin save yusum blong mekem ol trening mo nara aktiviti blong olgeta.

I kat plante invitesen i go raon finis long ol sponsa, patna mo famili blong futbol blong kam long opening seremoni blong niufala bilding ia we LFA, VFF mo OFC/FIFA bae oli mekem.

Author

The Penguin

A blogger from Vanuatu with interest in sports, ict, agriculture, tourism, history and many other thingamajig.

Leave a Reply

Your email address will not be published.

This site uses Akismet to reduce spam. Learn how your comment data is processed.