Niufala Polis Komisina i putumaot 100-dei plan

‘Vanuatu Police Force’ wetem niufala polis komisina, Albert Nalpini oli mekem wan narafala histri long fraedei 7th julae 2017 long aftanun taem Police komisina hemi saenem wan hanred dei plan blong hem.

Saening ia hemi tekem ples long konfrens rum blong polis komisina wetem evri komanda i witnesem.

Long 100 dei plan ia, police commissioner i wantem ajivim fulap samting mo ol stampa tingting nao hemi blong putum bak ‘force discipline’, ‘force unification’, ‘force independency’ mo impruvum tras mo konfidens wetem hae kwaliti polis wok tru long ‘governance’, ‘safety’, ‘security’ mo ‘partnership strategic priorities’.

From ol isiu we i stap afektem VPF, 100 dei plan ia bae hemi lukluk mo blong stretem ol isiu ia mo hemi putum long stret ples bakeken wetem ‘Vanuatu National Development Plan’, ‘Ministry of Internal Affairs Corporate Plan’, ‘VPF Strategic Plan (2016-2020)’, ‘VPF Business Plan 2017’, ‘CAP 105’ mo ‘Police Rules’.

Plan ia bae hemi setemaot tu ol activiti blong ol komanda mo level blong ol stampa tingting we blong mas mekem fastaem mo ol ‘time-line’ blong helpem VPF blong karemaot ol activiti ia long wan gudfala fasin.

Long semak tingting, plan ia hemi setemaot ol wok blong ‘monitoring’ mo ‘evaluation’, ol ‘strategic priorities’ mo ol ‘prioritized plans’ we hemi stap long responsibiliti blong depiuti komisina operesen mo depiuti komisina manejmen wetem sapot blong evri komanda.

Plan ia hemi wan festaem plan we VPF mo Vanuatu kavman i save karemaot long fos mo evri ofisa blong polis long top level oli stanap strong wetem komisina blong karemaot ol wok ia we i stap long niufala 100 dei plan ia.

Author

admin