Nasonal Kindakaten Dei long Luganville

Nasonal kindakaten dei emi wan dei long wan yia we plante skul mo priskul oli stap selebretem everi yia.

ol pikinini blong kamewa skul wetem ol tija mo ol naes krin mo blu balun.

Long Luganville Santo hemi namba 12 June long everi yia mo tede i bin kat wan maj we Vanuatu Mobile Force emi lidim long rod long Luganville taon kasem long La Place, Unity Park.

Long wol oli makem long evri eprel namba twentiwan we oli honarem Friedrich Wilhelm August Frobel (April 21, 1782 – June 21, 1852) we hem nao i statem fes kindakaten long Germany long 1837.

Ol pikinini blong kindakaten long Fanafo wetem tija blong olgeta tu oli kam long Luganville blong selebretem nasonal kindakaten dei.

Fobel i bin putum wan mak mo mekem faondesen long saed long edukesen blong tede we ol pikinini oli lanem samting tru long ol pleple.

Long 2017 ol yusum stampa toktok ia ‘rit wetem mifala long eli yia i save givim plante save long mifala blong helpem mifala long fiuja’

Long 2014, kavman blong Vanuatu tru long ‘Ministry of Education and Training’ (MoET) i bin yusum World Vision Vanuatu mo sapot blong New Zealand mo Australia blong karemaot wan prokram we oli kolem ‘Strengthening Early Childhood Care and Education’ (SECCE) raon long Vanuatu.

Projek ia oli bin mekem blong sapotem ol tija long kindakaten mo yusum ol papa mo mama blong save nambawan samting long saet blong edukesen blong ol yangfala pikinini long komiuniti.

Ol pikinini mekem wan singsing mo pelple lo stej blong La Place long Luganville.

Wan nambawan risen blong mas kat kindakaten emi blong priperem wan pikinini blong save kat intres mo blong save go long skul.

Fulap taem yumi yusum toktok ia ‘early childhood education’ mo i minim se long eij mo level ia, hemi nambawan samting blong yumi everiwan blong mas mekem ol pikinini blong yumi lanem samting.

Ol pikinini blong kamewa ol mekem kastom danis long song blong wan ban oli kolem Island Kastom mo taetel blong song hemi ‘olfala Malekula.’

Wan wei blong selebretem kindakaten dei emi blong talem tok tenkiu long wan tija blong kindakaten long skul blong pikinini blong yu o serem sam foto blong kindakaten long sosiol media.

Author

admin