MP Marc Ati i sapotem trifala LFA kontenta long NSL

Memba blong palemen blong Luganville, Marc Ati i mekem sam donesen long las sarere namba 2 septemba blong sapotem trifala top klab blong Luganville Futbol Asosiesen we bae oli tek pat long 2017 NSL.

Trifala klab ia i kat Malampa Revivors, Vaum United mo Santos Futbol Klab we oli jampion blong LFA 2016 mo 2017 sisen.

Arrow
Arrow
Donation to Malampa Revivors FC
Slider

MP Marc i givim long wanwan klab 15,000 vatu wetem fo (4) futbol blong trening blong pripea from ‘National Super League Pool A’ we bae i kikof long Saturday namba 9 Septemba 2017 emia long Soccer City Stadium.

Ol tim we oli stap long Pool A i kat Spirit 011 blong Torba Futbol Asosiesen, Vanmolmol FC blong Sanma Futbol Asosiesen, Malampa Revivors FC blong Luganville Futbol Asosiesen, Tiwe FC mo Halmet FC.

Ol maj ia hemi ol ‘preliminary’ stage blong NSL iet mo bae ol winners blong Pool A, Pool B, Pool C, mo D bae oli ple bakeken blong faenem jampion blong seven Memba Asosiesen (7MA).

Author

admin