Longana Eapot long East Ambae i kat naoia ol stret Lan Ona long hem.

Maldali nakamal i bin sidaon fulwik long las wik stat long Mande kasem Frade, mo faenem ol stret lan ona blong eapot blong Longana.

Afta long ol hiaring, Maldali nakamal i diklerem se i kat sikstin (16) pati evriwan we oli onem graon we eapot i stap long hem tudei.

Ol sikstin pati ia oli ripresentem tufala traeb, i kat traeb blong Tagaro mo traeb blong Mwerabuto.

Hed Jif blong Maldali nakamal, Aquila Mera, i hedem miting blong nakamal ia mo i diklerem sikstin pati blong tu traeb ia olsem ol stret lan ona blong Longana Eapot.

Maldali Nakamal i givim twenti-wan (21) deis stat long Frade las wik blong eniwan i save apilim disisen blong nakamal ia we i bin handem daon long fraede las wik.

Ripot i talem se i kat pis long evri pati blong tufala traeb ia long fraede las wik afta we Maldali nakamal i handem daon disisen blong hem long graon we Longana eapot i stap long hem tede.

Source: Gabriel Vusi Lai

Author

Yumi Toktok Stret

Yumi Toktok Stret reporter. based in Vanuatu, Fiji, Solomon Islands, PNG, Australia, New Zealand, USA, England, South America, Middle East.

Profile used by various journalist around the region.