Komisina Nalpini i saenem kontrak blong wok

Tede moning i makem wan histri long ‘Vanuatu Police Froce’ taem we ol executive members blong VPF tugeta wetem jeaman blong ‘Police Service Commision’, i witnesim saening blong niufala kontrak we niufala polis komisina Albert Nalpini i mekem long konfrens rum blong polis haus.

Jeaman blong polis sevis komisin nao hemi mekem seremoni ia.

Long toktok blong hem, hemi pointem aot se hemia hemi wan jenis we i tekem ples insaed long VPF, from niufala komisina ia hemi fes wan blong saenem kontrak blong hem blong mekem se i gat ‘effectiveness’ mo ‘transparency’ long pepa we hemi bin karem mo semtaem bae hemi wan fasin we bae i stap blong ol narafala komisina we oli kam afta oli save folem.

Kontrak ia bae hemi laef blong faef (5) yia, be evri yia bae bae oli mas go tru blong lukluk mo mekem ol ‘assessment’ long wok blong hem.

Semak fasin blong kontrak ia i apply long tufala depiuti polis komisina we wan i lukaot operesen mo narawan i lukaot manejmen mo komanda ‘Vanuatu Mobile Force’.

Long toktok blong hem, komisina Albert Nalpini i talem bigfala tok tenkiu long ol wok we i stap ko hed blong mekem se hemi save saenem kontrak ia mo hemi talem se wetem niufala lidasip blong hem bae hemi mekem sua se i gat ‘service delivery’ i ko long ol pipol blong Vanuatu blong i gat ‘discipline’ mo ‘trust’ wetem ol pipol blong kantri ia mo Polis.

Author

admin