My Digicel App Review [bislama] | Keep Calm & Have a DigiShell

MY DIGICEL APP REVIEW | My Digicel App hemi fulap long surprises. Mifala i testem app ia las week mo faenem aot se i kat sam gudfala samting we kampani hemi mekem we mak blong hem i kam antap mo i mekem i gud moa bitim bifo. Hemia sam long ol save we mifala i faenem:

FRI KREDIT LONG SANDEI

My Digicel App i givim ol FRI kredit long ol SANDEI. Mifala i no bin sua se every Sandei or maybe 1 Sandei long 1 manis be yu save jekem bakeken long Fri Kol long 123 Kastoma Kea.

FRI KREDIT LONG MEDEL NAET KASEM MONING

App i givim FRI kredit blong 2GB long medel naet kasem moning mo i save hapen wan taem nomo long wan manis. Hemia bae hemi helpful spos yu stap wok let long naet be yu nidim data kwik taem blong go long Facebook o toktok long wan fren long mesenja.

Opt-out Fix

My Digicel App i no kaikai kredit olsem bifo we taem data i finis be i tusum kredit we yu kat i stap yet. Naoia tu i kat wan SMS i kamaot tu blong askem se yu wantem yusum daerek kredit blong yu o nokat. Hemia i helpem bikwan blong katemaot ol kros mo harem nogud blong ol man.

500vt yu save kasem 2GB

Yu save pleple wetem kredit blong karem plante data e.g. Spos you kat 500vt, yu save pem over 2GB long ol smolsmol promosen. Hemia bae hemi help long taem blong kasem bikfala data blong mekem wan daonlod. Mifala bin mekem wan test

previous arrow
next arrow
ArrowArrow
Slider

Niufala Wei blong jekem kredit

My Digicel App hemi mekem se i kat ‘interface’ blong jekem kredit, jekem wanem plan yu stap yusum, sendem kredit long naraman, askem refil mo plante narafala samting we yu save mekem. Yu save stap go long intanet mo semtaem yu save jekem balens blong yu.

Onlaen peimen blong kredit

Blong pem kredit onlaen naoia wetem Visa kad hemi kam moa isi blong yu save mekem. Spos u kat smol vatu we no kasem 1000vt lo debit account blong BSP mo BRED Bank, yu still save pem credit. Hemia nomo se yu mas pem long 500vt nomo i go antap.

LIVE Chat

Mifala i testem LIVE chat be i no wok.

Yusum wan difren namba long App

Yu save jekem wan narafala namba wetem My Digicel App mo hao i wok spos yu givim raet long hem tru long wan ‘confirmation code’

Yu Save yusum long ol postpaid namba

Hemi possible blong jekem ol postpaid namba mo bae hemi givim yu wanem plan o pakej yu stap yusum mo hemi soem ol kol mo sms histri blong yu.

Histri blong kol

‘Option’ ia hemi kat long ol postpaid namba nomo. Ol namba we i stat long 55, yu save jekem ol namba we yu kolem mo teksem. Spos wan man i stap yusum sim kad blo yu, yu save ‘login’ long namba ia mo jekem kol histri blong hem mo hemia i hapen spos yu givim raet tru long wan ‘confirmation code’ we yu mas mekem fastaem bifo yu givim phone long naraman.

Author

admin